கவிதை # 2 -சில கேள்விகள்

-
பழனி பாரதி அவர்களின்  "பெண் சில கேள்விகள்" கவிதை :

முதன் முதலாக
பெண்ணை வருணிக்கத்
தேர்ந்தெடுத்த வார்த்தை எது?

ஆதாமின் முத்தம் 
ஏவாளின் 
எந்த பாகத்திற்கு 
முதலில் கிடைத்திருக்கும்?

பெண்ணின் கூந்தலுக்கு 
முதன்முதலில் 
சூட்டப்பட்ட பூ எது?

பெண் 
முதன் முதலில்
எதற்காக 
ஆடைக்குள் தன்னை 
மறைத்துக் கொண்டாள்?

பெண்ணின் கண்ணீர் 
முதன் முதலில்
எதன் பொருட்டு
சிந்தப்பட்டிருக்கும்?

கற்பென்பது 
முதன் முதலில்
எந்தப் பெண் மீது
எதற்காகத் திணிக்கப்பட்டது?

முதன்முதலாய் 
உடன்கட்டை ஏற்றப்பட்ட பெண் 
உயிரோடு எரிகையில் 
கடைசியாய் 
என்ன நினைத்திருப்பாள்?

வரதட்சணையால்
சபிக்கப்பட்ட
முதல் முதிர்கன்னி 
மாதவிலக்கும் நின்று போனதை
யாரிடம் சொல்லியிருப்பாள்?

தாய்ப்பாலுக்குப் பதிலாக 
கள்ளிப்பால் ஊட்டப்பட்ட 
முதல் பெண்சிசு எது?

ஆண்களின் தேசத்தில்
கேள்விகளுக்குள் சிக்கிய
பெண்ணை மீட்க
எந்தப் பெண் 
முதன்முதலில் 
போராளியானாள்?

அவளின் 
கடைசி வாரிசிடம் கொடுத்து
கிழித்தெறியச் சொல்லுங்கள்
இந்தக் கவிதையை....

--

மேற்கண்ட கேள்விகளுக்கு பதில் தெரிந்தால் சொல்லுங்கள் .. 

Comments

Post a Comment

Popular posts from this blog

கவிதை # 3 - யுகபாரதி

-
கவிஞர் யுகபாரதி அவர்களின் சில கவிதைகள் ரசிக்க .. வளையல் : உடைந்தால் கலங்குவாயென்று இரப்பர் வளையல்கள் வாங்கினேன் ! நீயோ அளவு சரியில்லையென்று இளைக்கத் தொடங்கிவிட்டாயே ! ⧪ ⧪⧪⧪⧪⧪⧪⧪⧪⧪⧪⧪⧪⧪ வீடு : ஓரங்கிழிந்த பாய் காரைபெயர்ந்த சுவர் ஒட்டடை படிந்த ஜன்னல் ஓசை எழுப்பும் மின் விசிறி கலைந்த தலையணை கழுவாத பாத்திரம் என்றாலும் என் வீடு இனிது ! ஏனெனில் , எதிர் வீடு உனது ...!! ⧪ ⧪⧪⧪⧪⧪⧪⧪⧪⧪⧪⧪⧪⧪ பெண் : நான் பெண்களை மோசமானவர்களாகக் கருதுவது , அவர்களின் நடத்தையினால் அல்ல அன்பினால் ..! அன்பினால்   எல்லா மோசத்தையும் செய்துவிடுகிறார்கள் .. சமயத்தில் மோசத்தையே அன்பாகவும் .. ⧪ ⧪⧪⧪⧪⧪⧪⧪⧪⧪⧪⧪⧪⧪ துணை கேட்கும் இரவுகள் : இரவுகளை துரத்த முடியவில்லை அவை என்னிலிருந்து வெளியேற நிறைய கேட்கின்றன துணையைக் கேட்கும் அந்த இரவுகள் என் தனிமையை பயன்படுத்திக் கொள்கின்றன விலகவே மாட்டேன் என்பது போல அழிச்சாட்டியம் பண்ணும் இரவுகளிடமிருந்து தப்பிப்பது பெரும்பாடாகிவிடுகிறது ...
Read more

கவிதை - கமல் ஹாசன்

-
கமல் ஹாசன் அவர்களின் " மனித வணக்கம் "  கவிதை வரிகள் ரசிக்க .. தாயே , என்   தாயே ! நான் உரித்த தோலே அறுத்த கொடியே என் மனையாளின் மானசீக சக்களத்தி , சரண் . தகப்பா , ஓ   தகப்பா ! நீ என்றோ உதறிய மை படர்ந்தது கவிதைகளாய் இன்று . புரியாத வரியிருப்பின் கேள் ! பொழிப்புரை நான் சொல்லுகின்றேன் . தமையா , ஓ தமையா ! என் தகப்பனின் சாயல் நீ . அச்சகம் தான் ஒன்று இங்கே அர்த்தங்கள் வெல்வேறு . தமக்காய் , ஓ தமக்காய் ! தோழி , தொலைந்தே போனாயே ? துணை தேடி போனாயே ? மனைவி , ஓ காதலி ! நீ தாண்டா படியெல்லாம் நான் தாண்ட குமைந்திடுவாய் சாத்திரத்தின் சூட்சுமங்கள் புரியும் வரை . மகனே , ஓ மகனே ! என் விந்திட்ட விதையே செடியே , மரமே , காடே மறு பிறப்பே மரண சௌகர்யமே , வாழ் ! மகளே , ஓ மகளே ! நீயும் என் காதலியே எனதம்மை போல எனைப் பிரிந்தும் நீயின்பம் காண்பாயா ? இல்லை காதலித்த கணவனுக்குள் எனை தேடுவாயா ? நண்பா , ஓ நண்பா ! நீ செய்த நட்பெல்லாம் நான் செய்த அன்பின் ...
Read more

ஓய் என் கண்ணழகியே..

-
Image
ஓய் கண்ணழகியே பாடல் வரிகள் மற்றும் இசைக்கோர்வை. அழகே.. உன் குழலை கோத அந்த காற்றும் விரையுது.. அழகே.. உன் நிழலை தீண்ட அந்த நிலவும் கரையுது.. அழகே.. உன் குரலை கேட்க அந்த குயிலும் முழிக்குது.. அழகே.. உன் புழலை சேர என் உயிரும் துடிக்குது.. அழகே.. இலை போல உன் தேகம் இருப்பது ஏதுக்கடி? அழகே.. அதில் வடியும் நீராக நான் இருப்பது ஏன்? அழகே.. என்னை மயங்கி தாழ்த்தும் அந்த இதழின் புன்னகை அழகே.. என்னை தயங்கி தள்ள செய்யும் பெண்மை தாங்கிய அழகே.. அழகே.. அலையும் கண்ணை நீ கொஞ்சம் நிறுத்தி பார்க்கும் போது நெஞ்சுக்குள் ஒரு தீ.. பற்றும் போது பக்கத்தில் பருத்தி இருப்பதை நீ அறிவாயா? போகும் போக்கில் நீ என்னை கடத்தி பக்கம் வந்து பதமாக படுத்தி நித்தம் உன்னை நினைக்கின்ற படியே கற்பனை தந்திடுவாயா? காதல் வைத்து தேர்வொன்று நடத்தி காலம் போக மெதுவாக திருத்தி வெள்ளை கண்ணின் வெளிச்சத்தில் நிறுத்தி பாடங்கள் சொல்லிடுவாயா? இறகை போல எடை உள்ள ஒருத்தி லாபம் என்ன நீ என்னை வருத்தி? வானம் கூட வசமாகி விடுமே நீ என்னை சேர்ந்திடுவாயா? ஆசை ஒரு கண்ணில்...
Read more